نامور امریکی ریپر اور پروڈیوسر لِل جون نے لاس اینجلس کی ایک مسجد میں اسلام قبول کر لیا۔
بین الاقوامی میڈیا رپورٹس کے مطابق امریکی ریپر اور پروڈیوسر امریکا کے شہر لاس اینجلس کی کنگ فہد مسجد میں نماز جمعہ سے قبل کلمہ شہادت پڑھ کر دائرہ اسلام میں داخل ہوئے۔
لِل جون کی یہ ویڈیو سوشل میڈیا پر تیزی سے گردش کررہی ہے، جس پر دنیا بھر سے مسلمان انہیں مبارکباد دے رہے ہیں اور اب بھی یہ سلسلہ جاری ہے۔
اس حوالے سے لِل جون نے انسٹا گرام پر ایک پوسٹ بھی جاری کی ، جس میں انہوں نے لکھا کہ الحمدللہ! میں تمام بہن بھائیوں کا شکرگزار ہوں جنہوں نے میرے لیے مثبت پیغامات اور اپنی بےلوث محبت کا اظہار کیا۔
