پاکستان شوبز انڈسٹری کے مشہور و معروف اداکاربلال عباس خان نے کہا ہے کہ محبت اور شادی کے لئے بہت کچھ دیکھنا پڑتا ہے۔
حال ہی میں اپنے دیے گئے ایک انٹرویو میں بلال عباس خان نے محبت اور شادی کے حوالے سے کھُل کر بات کی۔
دوران انٹرویو اداکار سے محبت سے متعلق سوال کیا گیا کہ کیا انہیں اپنے آس پاس کوئی نظر آ رہا ہے؟ جس کے جواب میں انہوں نے کہا کہ فی الحال تو کوئی نہیں ہے۔
ان کا کہنا تھا کہ میں محبت اور شادی پر مکمل یقین رکھتا ہوں اور جب کوئی چیز ہونی ہوتی ہے تو وہ ہوجاتی ہے ہم زبردستی نہیں کرسکتے، محبت اور شادی کے لئے بہت کچھ دیکھنا پڑتا ہے۔
انہوں نے کہا کہ میں اس وقت محبت کے بارے میں بات کرتے ہوئے تھوڑا گھبرا رہا ہوں لیکن جب بھی صحیح وقت ہوگا تو سنبھال لوں گا۔
پاکستان شوبز انڈسٹری کے مشہور و معروف اداکار بلال عباس خان کا مزید کہنا تھا کہ مجھے سول میٹس پر یقین ہے کیونکہ محبت میں سچائی، عزت اور مخلص ہونا ضروری ہے اگر ان میں سے کسی ایک چیز کی بھی کمی ہوگی تو پھر محبت نہیں ہوسکتی۔
