پاکستانی ڈرامہ انڈسٹری کی معروف و ورسٹائل اداکارہ ثانیہ سعید نے سجل علی کو پسندیدہ اداکارہ قرار دیتے ہوئے کہا کہ ان کی پرفارمنس کو دیکھ کر محظوظ ہوتی ہوں۔
حال ہی میں ویڈیو شیئرنگ پلیٹ فارم یوٹیوب چینل سے گفتگو کرتے ہوئے ہرفن مولا اداکارہ ثانیہ سعید نے اپنے پسندیدہ فنکاروں کا تذکرہ کیا۔
انہوں نے بےساختہ اداکارہ سجل علی کا نام لیتے ہوئے کہا کہ میں ان کی اداکاری کو دیکھ کر خوب محظوظ ہوتی ہوں ، وہ ایک ذہین اداکارہ ہیں، ان کی جذباتی ذہانت کمال کی ہے جسے دیکھ کر لطف آجاتا ہے۔
انہوں نے انڈسٹری کے دیگر فنکاروں میں سینئر اداکار نعمان اعجاز، فیصل رحمان اور ہمایوں سعید کا نام بھی لیا اور کہا کہ ان دونوں کے ساتھ بہت کام کیا اور ان کے ساتھ کام کرنے کا مزہ آتا ہے۔
