پاکستان کے معروف رئیلٹی شو ’تماشا‘ میں شمولیت کے بعد شہرت سمیٹنے والی فیشن بلاگر، اداکارہ و ماڈل مریحہ صفدر اب کسی تعریف کی محتاج نہیں۔
پروگرام کی فائنلسٹ مریحہ صفدر نے حال ہی میں اپنے انسٹاگرام کا رخ کیا جہاں انہوں نے اپنی بےحد بولڈ اور گلیمرس تصاویر سوشل میڈیا پر شئیر کی ہیں۔
مریحہ صفدر نے حال ہی میں ایک ویڈیو بھی پوسٹ کی، جو ان کے مداحوں کی طرف سے پسند کی جارہی ہیں جبکہ اس کے ساتھ ساتھ کچھ صارفین انہیں تنقید کا بھی نشانہ بنا رہے ہیں۔
وہ اکثر سوشل میڈیا پر اپنی تصاویر اور ویڈیوز شیئر کرتی رہتی ہیں لیکن کئی بار انہیں اپنے بولڈ انداز کی وجہ سے تنقید کا نشانہ بنایا گیا۔
یہاں یہ بات بھی قابل ذکر ہے کہ مریحہ صفدر نے بالی ووڈ فلم ’گیسٹ ان لندن‘ میں ایک وکیل کا کردار ادا کیا تھا۔ بعدازاں انہوں نے سپراسٹار اکشے کمار کی فلم ’ہاؤس فل 3‘ میں بھی ایکسٹرا کاکردار اداکیا تھا۔
سال 2020 میں انہوں نے مقبول ویب سیریز ’چریلز‘ کے ساتھ ڈیجیٹل ڈیبیو کیا تھا جس میں یاسرہ رضوی، نمرہ بچہ، مہر بانو، ثروت گیلانی، اور دیگر شامل تھے۔
