پاکستان فلم انڈسٹری کے سینئر اداکار شاہد حمید کی گاڑی کو کینیڈا کے شہر ٹورنٹو میں خوفناک حادثہ پیش آیا ہے۔
رپورٹ کے مطابق اداکار شاہد اپنے دوست کے گھر جا رہے تھے کہ اچانک ان کی گاڑی بے قابو ہو کر ایک ٹرالر سے ٹکرا گئی۔
اُنہوں نے اپنے ساتھ پیش آنے والے اس حادثے سے متعلق سوشل میڈیا پر ایک ویڈیو پیغام بھی شیئر کیا ہے۔
اداکار نے بتایا ہے کہ کل رات میرا ٹورنٹو میں ایکسیڈنٹ ہوا، اللّٰہ کا شکر ہے، آپ سب کی دعاؤں سے میں بالکل ٹھیک ہوں۔
شاہد حمید نے بتایا کہ میں اپنے دوست ناصر کے گھر کھانے پر جا رہا تھا کہ راستے میں گاڑی اچانک سلپ ہو کر ٹرالر سے ٹکرا گئی، یہ بہت بڑا معجزہ ہے کہ آپ سب کی دعاؤں سے میں بچ گیا۔
سوشل میڈیا پر سامنے آنے والی تصاویر میں حادثے کا شکار شاہد حمید کی گاڑی کو بھی دیکھا جا سکتا ہے۔
