پاکستانی خوبرو اداکارہ نازش علی نے کہا ہے کہ علیزے شاہ سرجری سے قبل بہت پیاری، بالکل گڑیا جیسی تھیں۔
گزشتہ دنوں اداکارہ نازش علی نے مشہور میڈیا پرسنیلٹی، نادر علی کی پوڈ کاسٹ میں بطور مہمان شرکت کی۔
اس دوران نادر علی نے اداکارہ سے پوچھا کہ کیا انہوں نے کبھی کوئی کاسمیٹک سرجری کروائی ہے ؟
جس پر نازش علی نے اپنی خوبصورتی کی تعریف خود کرتے ہوئے کہا کہ اُن کی ناک، بھنویں، ہونٹ سب ہی کچھ بہت پیارا ہے، وہ کبھی کبھار خود حیران ہوتی ہیں کہ وہ اتنی پیاری کیوں ہیں۔
اداکارہ کا کہنا تھا کہ کبھی کوئی سرجری نہیں کروائی نہ اتنے پیسے ہیں، میرے چہرے کے خدوخال اصلی ہیں، بس تھوڑا بہت جِلد صاف شفاف رکھنے کے لیے خود ہی سے دیکھ بھال کرتی رہتی ہوں اور اپنے خوبصورتی کے راز اپنے مداحوں کے ساتھ بھی شیئر کرتی ہوں۔
نازش کا کہنا تھا کہ انہوں نے اپنے چہرے کے ساتھ چھیڑ چھاڑ نہیں کی ہے مگر وہ جانتی ہیں کہ کچھ پاکستانی اداکاراؤں نے کاسمیٹک سرجری کروا رکھی ہے مگر وہ نام نہیں لیں گی۔
انہوں نے مزید کہا کہ کچھ پر کاسمیٹک سرجری نے بہت اچھا اثر کیا اور وہ پہلے سے زیادہ خوبصورت نظر آتی ہیں۔
پوڈ کاسٹ کے میزبان نادر علی نے اس دوران اداکارہ علیزے شاہ کا ذکر چھیڑ دیا۔
نادر علی کا کہنا تھا کہ وہ پہلے بہت کیوٹ تھیں اب بری لگنے لگ گئی ہیں، علیزے شاہ اب بہت پتلی دبلی ہو گئی ہیں، علیزے کا چہرہ بہت پتلا سا ہو گیا ہے۔
جس پر نازش جہانگیر نے اپنی رائے کا اظہار کرتے ہوئے کہا کہ علیزے شاہ بہت خوبصورت ہوا کرتی تھیں، علیزے شاہ ایک بار اپنی والدہ کے ساتھ سیٹ پر آئی تھیں، ایسا لگ رہا تھا کہ کوئی گڑیا آ گئی ہو۔
نازش نے مزید کہا کہ اب علیزے شاہ کی معصومیت ختم ہو گئی ہے، علیزے نے پکی عمر میں ابھی جانا تھا مگر وہ ابھی سے ہی بہت مختلف اور پختہ نظر آنے لگی ہیں۔
نازش جہانگیر کا مزید کہنا تھا کہ شہرت سنبھالنا آسان نہیں ہوتا، شہرت مل جاتی ہے مگر شہرت سنبھال کر رکھنا مشکل ہے۔
