بالی ووڈ فلم انڈسٹری کی مشہور جوڑی عالیہ بھٹ اور رنبیر کپور نے اپنی بیٹی سے ملنے آنے والے دوستوں کے لئے ایک شرط رکھ دی ہے۔
بھارتی میڈیا رپورٹس کے مطابق اداکارہ عالیہ بھٹ اور اداکار رنبیر کپور نے اپنے جاری کردہ ایک بیان میں کہا کہ کسی کو بھی کووڈ کا ٹیسٹ کرائے بغیر ان کی بیٹی سے ملاقات کی اجازت نہیں ہوگی۔
انہوں نے کہا کہ صرف ان ہی افراد کو بیٹی سے ملنے آنے دیا جائے گا جن کے کووڈ ٹیسٹ کی رپورٹ منفی ہوگی۔
واضح رہے کہ چند روز قبل اداکارہ عالیہ بھٹ نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر ایک اسٹوری پوسٹ کی تھی جس میں انہوں نے بیٹی کی پیدائش کی اطلاع دی تھی۔
اداکارہ نے اپنی پوسٹ میں ایک کارڈ شیئر کیا تھا جس پر لکھا تھا کہ “ہماری زندگی کی بہترین خبر آگئی، اب ہم والدین بن چکے ہیں، ہماری بیٹی ہمارے پاس آگئی ہے”۔
خیال رہے کہ عالیہ بھٹ اور رنبیر کپور رواں سال اپریل میں شادی کے بندھن میں بندھے تھے جبکہ رواں برس جون میں جوڑے نے بچے کی متوقع آمد کا اعلان کیا تھا۔
