نامور پاکستانی گلوکار عاصم اظہر نے حال ہی میں اپنی ایک پرانی تصویر سوشل میڈیا پر شیئر کی جس پر پاکستانی کرکٹر شان مسعود نے بھی حیرانی کا اظہار کیا۔
عاصم اظہر کی جانب سے اپنی 10 سالہ پرانی تصاویر ٹوئٹر پر شیئر کی گئیں جن میں انہیں فٹبال کلب مانچسٹر یونائیٹڈ کی جرسی پہنے دیکھا جاسکتا ہے۔ ایک تصویر میں جرسی کے پیچھے گلوکار کا نام بھی درج ہے۔
عاصم کی تصویر میں جہاں ان کے مداحوں نے انہیں مشکل سے پہچانا وہیں شان مسعود نے بھی گہرے تعجب کے ساتھ پوچھا کہ کیا یہ آپ ہی ہیں؟
گلوکار نے اپنی تصاویر کے کیپشن میں لکھا کہ یہ ان صارفین کے لیے ہے جو سمجھتے ہیں کہ میں ٹرینڈ میں شامل ہو رہا ہوں۔ یہ تصاویر ایک دہائی قبل 2010 کی ہیں۔
