بالی ووڈ کی معروف اداکارہ شردھا کپور کی ممبئی ایئرپورٹ سے ایک ویڈیو سوشل میڈیا پر وائرل ہورہی ہے۔
مختلف سوشل میڈیا پیجز پر وائرل ویڈیو میں شردھا کپور کے ایک دیوانے مداح کو گھٹنوں کے بل کھڑے ہو کر اُنہیں گلاب کے پھولوں کا گلدستہ دیتے ہوئے دیکھا جاسکتا ہے۔
اداکارہ نے مداح کی جانب سے پیش کیے گئے اس گلدستے کو بہت پیار سے مسکراتے ہوئے قبول کرکے اپنے لاکھوں مداحوں کے دل جیت لیے۔
اس وائرل ویڈیو کو سوشل میڈیا صارفین کی جانب سے بہت پسند کیا جارہا ہے اور شردھا کپور کی مداح کے ساتھ حسنِ سلوک سے پیش آنے پر خوب تعریفیں بھی کی جارہی ہیں۔
