بالی ووڈ کی معروف اداکار جوڑی اداکار سیف علی خان اور کرینہ کپور کا چھوٹا بیٹا جہانگیر علی خان دیوالی کے موقع پر سب کی توجہ کا مرکز بن گیا۔
اداکارہ کرینہ نے فوٹو اینڈ ویڈیو شیئرنگ ایپ انسٹاگرام پر دیوالی کے موقع پر سیف علی خان اور بیٹوں کے ہمراہ چند تصاویر شیئر کی ہیں۔
اداکارہ نے تصاویر شیئر کرتے ہوئے لکھا کہ یہ ہماری فیملی ہے، اور میری فیلی کی طرف سے آپکی فیملی اور دوستوں کو دیوالی مبارک ہو۔
وائرل تصاویر میں سے ایک تصویر میں جہانگیر کو روتے ہوئے دیکھا جاسکتا ہے جسے مداحوں کی جانب سے سب سے زیادہ پسند کیا جارہا ہے اور دلچسپ تبصروں کا سلسلہ بھی جاری ہے۔
واضح رہے کہ کرینہ کپور اور سیف علی خان سال 2012 میں رشتۂ ازدواج میں منسلک ہوئے تھے۔
کرینہ کپور اور سیف علی خان کے ہاں پہلے بیٹے تیمور علی خان کی ولادت 20 دسمبر 2016ء میں ہوئی تھی جبکہ دوسرے بیٹے جہانگیر علی خان کی پیدائش گزشتہ برس ہوئی تھی۔
