سال 2001 میں بالی ووڈ کے معروف اداکار سنی دیول کی ریلیز ہونے والی فلم ’غدر، ایک پریم کتھا‘ کا سیکوئل غدر 2 گزشتہ سال ریلیز ہوئی ہے جو کہ باکس آفس پر بے حد کامیاب رہی ہے۔
اس فلم میں سنی دیول اور امیشا پٹیل نے مرکزی کردار ادا کئے جس کو شائقین اور ناقدین کی طرف سے بہت زیادہ پیار ملا ہے اور یہ 2023 کی سب سے زیادہ کمائی کرنے والی فلموں میں سے ایک رہی تھی۔
غدر 2 کی زبردست کامیابی کے بعد اب ایک اور سیکوئل بننے جارہا ہے اور اس خبر کی تصدیق ڈائریکٹر انیل شرما نے کی جس کے لئے کاغذی کارروائی کا پہلا مرحلہ پہلے مکمل ہو چکا ہے۔
اس حوالے سے جاری ایک رپورٹ کے مطابقغدر 2 کا اختتام اس کے اگلے سیکوئل کے وعدے کے ساتھ ہوا، اور فلم کی ریلیز کے بعد سے ہی، انیل شرما اور ان کی مصنفین کی ٹیم غدر کے تیسرے حصے کے لیے آئیڈیا پر کام کر رہی ہیں۔
رپورٹس میں بتایا جارہا ہے کہ اگر سب کچھ منصوبہ بندی کے مطابق ہوتا ہے تو غدر 3 سال 2025 کے آخر تک ریلیز کردی جائیگی۔
