بالی ووڈ کی اُبھرتی ہوئی اداکارہ اتھیا شیٹی اور بھارتی کرکٹ ٹیم کے نائب کپتان کے ایل راہول کی شادی کی تاریخ سامنے آگئی ہے۔
بھارتی میڈیا کی رپورٹ کے مطابق، کے ایل راہول اور اتھیا شیٹی کی تقریبات کا آغاز 21 جنوری سے ہوگا۔
ذرائع کے مطابق یہ شادی تین دن کی تقریبات پر مشتمل ہوگی، 23 جنوری کودونوں رشتۂ ازدواج میں منسلک ہوں گے۔
بھارتی میڈیا کے مطابق یہ شادی سنیل شیٹی کے خاندانی گھر میں قریبی دوستوں اور عزیزو اقارب کی موجودگی میں ہوگی جوکہ کھنڈالہ میں ہے۔
شادی کی تیاریاں زور و شور سے جاری ہیں اور مہمانوں کی فہرست بھی تیار ہے۔
رپورٹ کے مطابق، شادی میں مدعو کیے گئے مہمانوں میں جیکی شروف، اکشے کمار، سلمان خان، ویرات کوہلی اور ایم ایس دھونی کے نام بھی شامل ہیں۔
البتہ، ابھی تک اس جوڑی اور ان کے اہلِ خانہ نے شادی سے متعلق خبروں پر کوئی تبصرہ نہیں کیا ہے۔
دونوں خاندانوں نے شادی کی تقریبات کے بارے میں بھی کوئی تفصیلات نہیں بتائیں۔
