پاکستان میں پوپ اورکلاسیکی کے منفرد امتزاج میں مہارت رکھنے والے معروف گلوکار سجاد علی کا نیا گانا’ بارش ‘ ریلیز ہوگیا جس کے منظر عام پر آتے ہی مداحوں کی جانب سے بھرپور پذیرائی دی گئی ہے۔
تفصیلات کے مطابق سماجی رابطےکی ویب سائٹ ٹوئٹرپرسجادعلی کے ٹویٹر اکاونٹ سے شئیر کیا گیا گانا صارفین کی توجہ سمیٹنے میں کامیاب ہوگیا۔
نئےریلیز کیے گئے معروف گلوگار کے گانے ’بارش‘ کی ویڈیو میں پاکستان کی سپر اسٹار ریما بھی سجاد علی کے ساتھ دکھائی دے رہی ہیں۔
Sajjad Ali✔@sajjad_official
سجاد علی کی دھیمی اورکانوں میں رس گھول دینے والی آواز میں جاری گانے ’بارش‘ کی خاص بات یہ ہے کہ اس میں انہوں نے اپنے بیٹے خوبی کو متعارف کروایا ہے ۔
سجاد علی نےگانے کی موسیقی اور لیرکس خود ہی ترتیب دیے ہیں جبکہ میوزک شابی علی نے دیا۔
سجادعلی کے مداح ان کی گائیکی کےساتھ ساتھ کمپوزنگ کے بھی شیدائی ہیں جس کا منہ بولتا ثبوت ان کے ہرگانے کی کامیابی ہے۔
مشہورگانے’سنڈریلا‘ سے شہرت کےمنازل طے کرنے والےسجاد علی کے نئے گانے کو 16 گھنٹے میں ہی یوٹیوب پر 50ہزار سے زائد بار دیکھا اور سنا جاچکا ہے۔
سجاد علی کے مداح اس گانے کو ایک نیا شاہکار قرار دے رہے ہیں۔
90ء کی دہائی میں گلوکاری کے شعبے میں حکمرانی کرنے والے سجاد علی پاکستان میوزک انڈسٹری کو کئی کامیاب گانے دے چکے ہیں۔
یاد رہے کہ اس سے قبل مسحور کن آواز کے مالک سجاد علی کا ریلیز ہونے والا گانا’راوی‘ بھی بے حد مقبول ہوا تھا۔
