بچوں کے حقوق پر کام کرنے والی ایک تنظیم نے اپنی سالانہ رپورٹ میں بتایا ہے کہ سال 2022 میں ملک بھر میں 2 ہزار 123 بچوں کو جنسی تشدد کا نشانہ بنایا گیا۔
بچوں کے حقوق پر کام کرنے والی ساحل نامی تنطیم کی طرف سے سالانہ رپورٹ جاری کی گئی ہے جس میں سال 2022 میں بچوں پر ہونے والے مختلف قسم کے تشدد کی تفصیلات پیش کی گئی ہے۔
رپورٹ میں بتایا گیا ہے کہ سال 2022 میں 2123 بچوں کو جنسی تشدد کا نشانہ بنایا گیا، گزشتہ سال کی نسبت بچوں پر تشدد میں 33 فیصد اضافہ ہوا، سال 2022 روزانہ کی بنیاد پر 12 سے زائد بچوں کو تشدد کا نشانہ بنایا گیا۔
رپورٹ میں بتایا گیا ہے کہ سال 2022 میں 81 بچوں کو جنسی تشدد کے بعد قتل کیا گیا جبکہ اسی سال بچوں کے اغوا کے 1834 کیسز رپورٹ ہوئے۔
ساحل کی رپورٹ میں بتایا گیا ہے کہ اغوا ہونے والے میں 178 بچوں کو جنسی زیادتی کا نشانہ بنایا گیا اور 6 سے 15 سال کی عمر کے بچوں کو زیادہ تر تشدد کا نشانہ بنایا گیا۔
رپورٹ میں بتایا گیا ہے کہ بچوں کے گمشدگی کے 428 واقعات رپورٹ ہوئے اور کم عمری شادی کے کل 46 کیسز رپورٹ ہوئے۔
رپورٹ کے مطابق 47 فیصد واقعات دیہی جبکہ 54 فیصد واقعات شہری علاقوں سے رپورٹ ہوئے ہیں، تاہم بچوں پر تشدد کے زیادہ تر کیسز پنجاب سے رپورٹ ہوئے۔
ساحل بچوں پر ہو نے والے جنسی تشدد کی سالانہ ررپورٹ ظالم اعدادکے نام سے مرتب کرتا ہے۔
اس سال بچوں سے جنسی زیادتی، اغوا، گمشدگی اور کم عمری شادی کے واقعات کو شا ئع کرنے کے لیے کل 81قومی اور علاقائی خبارات کی جانچ پڑ تال کی گئی۔
سال 2022میں بچو ں سے جنسی تشدد کے کل 4253 واقعات رپورٹ ہوئے اور یہ واقعات پاکستان کے چاروں صوبوں، اسلام آباد، آزاد کشمیر اور گلگت بلتستان سے سامنے آئے۔
رپورٹ میں بتایا گیا ہے کہ سال 2022 میں بچوں سے جنسی زیادتی کے 2123 واقعات رپورٹ ہو ئے جس میں 712 بد فعلی، 612 جنسی زیادتی،576 بچوں سے جنسی زیادتی کی کوشش، 109 واقعات میں جنسی زیادتی و غیر اخلاقی ویڈیوز، 81 واقعات میں جنسی زیادتی کے بعد قتل کیا گیا۔
رپورٹ کے مطابق 33 واقعات میں بچو ں کے محرم رشتے دار ملوث پائے گئے جبکہ 1834 اغوا، 428 گمشدگی اور 46کم عمری کی شادی کے واقعات رپورٹ ہوئے۔
سال 2022 کے اعداد و شمار کے مطا بق روزانہ 12 سے زائد بچوں کو جنسی زیادتی کا نشانہ بنایا گیا۔
اس سال رپورٹ ہونے والے کل واقعات میں سے 55فیصد لڑکیا ں جبکہ 45 فیصد لڑکے جنسی تشدد کا شکار ہو ئے۔
سال 2022 کے اعداد و شمار کے مطابق 6-15 سال کے بچو ں کو سب سے زیادہ جنسی تشدد کا نشانہ بنایا گیا جس میں لڑکیوں کی نسبت لڑکوں کی تعداد زیادہ رہی جبکہ 5 سے کم سال کے بچوں کوبھی تشدد کا نشانہ بنا یا گیا۔
سال 2022 میں رپورٹ ہو نے والے کل واقعات میں سے 71 فیصد واقعات پنجاب، 15 فیصد سندھ، 8 فیصد اسلام آباد، 4 فیصد خیبر پختون خواہ 2 فیصد بلو چستان، گلگت بلتستان اور آزاد کشمیر سے سامنے آئے۔
اس سال کل واقعات میں سے 47 فیصد دیہی علاقوں سے جبکہ 53 فیصد شہری علاقوں سے رپورٹ ہو ئے۔
سال 2022 میں 89 فیصد واقعات پولیس کے پاس رجسٹرڈ ہوئے۔
اس سال خصوصًا ساحل نے خواتین پرہونے والے ہر طرح کے تشد د کے واقعات بھی ریکارڈ کیے اور اگست 2022 سے دسمبر 2022 تک 781 واقعات رپورٹ ہوئے۔
