بالی ووڈ کی اُبھرتی ہوئی اداکارہ سارہ علی خان نے اپنے شریک حیات کے انتخاب کے لیے کچھ خصوصیات بتادی ہیں۔
سارہ علی خان کا کہنا ہے کہ اُنہیں شادی کرنے کے لیے صحیح وقت کا انتظار ہے۔
اداکارہ حال ہی میں شہناز گل کے پوڈ کاسٹ میں بطور مہمان شریک ہوئیں۔
اُنہوں نے اس پوڈ کاسٹ میں شادی کے بارے میں اپنے ارادے کے بارے میں مزاحیہ انداز میں بتایا کہ’ابھی نہیں، مجھے پہلے ایک اندھے اور پاگل انسان کی تلاش ہےکیونکہ اگر وہ کوئی سمجھدار انسان ہوا تو مجھے فوراً پہچان لے گا اور بھاگ جائے گا‘۔
کام کے حوالے سے بات کی جائے تو سارہ علی خان لکشمن اٹیکر کی اگلی فلم میں نظر آئیں گی۔
اس کے علاوہ، وہ ہومی اداجانیہ کے پراجیکٹ ’مرڈر مبارک‘ کی شوٹنگ میں مصروف ہیں، جس میں ان کے ساتھ کرشمہ کپور بھی اسکرین پر نظر آئیں گی۔
