بالی ووڈ کی اُبھرتی ہوئی اداکارہ سارہ علی خان کے لیے سال 2020ء زیادہ خوشگوار ثابت نہیں ہوا۔
سارہ علی خان نے اپنے ایک حالیہ انٹرویو میں انکشاف کیا ہے کہ 2020ء کا آغاز بریک اَپ سے ہوا تھا اور پھر مزید بدتر ہوتا چلا گیا۔
یاد رہے کہ اداکار کارتک آریان مبینہ طور پر سارہ علی خان کے بوائے فرینڈ تھے۔
اُنہوں نے کہا کہ یہ ایک بہت ہی برا سال تھا اور اس کا زیادہ تر حصّہ تو صرف انٹرنیٹ پر ہی گزرا تھا۔
اُنہوں نے اپنی فلم’لوو آج کل 2‘ کی باکس آفس پر ناکامی کے بعد سوشل میڈیا پر ہونے والی ٹرولنگ کے بارے میں کہا کہ’کبھی کبھی، جب آپ خود یہ جانتے ہوں کہ آپ ٹرولنگ کے مستحق ہیں یا جب آپ سے واقعی کوئی غلطی ہوئی ہو تو آپ کو تنقید سے کوئی فرق نہیں پڑتا۔
واضح رہے کہ سارہ علی خان کو آخری بار اسکرین پر فلم ’اترنگی رے‘ میں دیکھا گیا تھا، جس میں ان کے ہمراہ دھنش اور اکشے کمار بھی اہم کردار ادا کرتے نظر آئے۔ اس فلم کی ہدایت کاری آنند ایل رائے نے کی تھی۔
