پاکستان سمیت پوری دنیا میں لوگوں نے سال نو 2019 کو بھرپور انداز میں خوش آمدید کہا۔
رات 12 بجتے ہی دنیا کے تقریباً سبھی ممالک میں سال نو کا جشن منایا گیا اور شاندار آتش بازی کے مظاہروں سے آسمان پر ہر طرف رنگ ہی رنگ بکھر گئے۔
سال نو کی خوشیاں منانے کے لیے دنیا بھر میں عمارتوں، مارکیٹوں، اہم شاہراہوں اور گلی محلوں کو قمقموں اور سنہری روشنیوں کے ساتھ روشن کیا گیا ہے۔
دوسری جانب 2019 کو خوش آمدید کہنے کے لیے مختلف فیسٹیولز کا بھی انعقاد کیا گیا۔
دنیا بھر میں نئے سال کا جشن کیسے منایا گیا، ایک نظر ڈالتے ہیں۔
نیو یارک میں رات 12 بجتے ہی نئے سال کو خوش آمدید کہنے کے لیے شاندار آتش بازی کا مظاہرہ کیا گیا—.فوٹو/ اے ایف پی
2019 کا استقبال کرنے کے لیے روسی دارالحکومت موسکو کے مختلف مقامات کو شاندار روشنیوں سے سجایا—.فوٹو / اے ایف پی
راولپنڈی میں 2019 کی آمد پر آتش بازی کا شاندار مظاہرہ کیا گیا—. فوٹو / اے ایف پی
راولپنڈی میں منچلوں نے سال نو کے جشن کو کیمرے کی آنکھ میں قید کیا—.فوٹو / اے ایف پی
لاہور میں بھی رات 12 بجتے ہی 2019 کے استقبال کے لیے آتش بازی کی گئی—۔ فوٹو / اے ایف پی
لاہور میں منچلوں نے نئے سال کی آمد پر آتش بازی کا مظاہرہ کرتے ہوئے خوب رقص کیا—۔ فوٹو / اے ایف پی
ملک کے مختلف مقامات پر نئے سال کی خوشی میں آتش بازی کا مظاہرہ ہوا جسے دیکھنے کے لیے شہری رات دیر گھر سے باہر رہے—. فوٹو / اے ایف پی
جرمنی کے دارالحکومت برلن کے تاریخی دی برینڈین برگ گیٹ میں سال نو کا جشن منانے کے لیے کانسرٹ منعقد کیا گیا جس میں لوگوں کی بڑی تعداد نے شرکت کی—.فوٹو / اے ایف پی
دریائے ٹیمز کے کنارے واقع لندن آئی پر بھی شاندار آتش بازی کا مظاہرہ کیا گیا—.فوٹو / اے ایف پی
