جو غلطی بڑے بیٹے کی شادی میں کی وہ اب نہیں کروں گی، صبا فیصل

جو غلطی بڑے بیٹے کی شادی میں کی وہ اب نہیں کروں گی، صبا فیصل


پاکستان شوبز انڈسٹری سے تعلق رکھنے والی سینئر اداکارہ صبا فیصل جو جلد ہی اپنی دوسری بہو گھر لانے والی ہیں، کہتی ہیں، جو غلطی بڑے بیٹے کی شادی میں کی وہ چھوٹے بیٹے کی شادی میں نہیں کروں گی۔

حال ہی میں انہوں نے نجی چینل کے مارننگ شو میں اپنی بہن کے ہمراہ بطور مہمان شرکت کی اور دوسرے بیٹے ارسلان فیصل کی شادی کی تیاریوں کے حوالے سے بتایا۔

اداکارہ نے بتایا کہ وہ ارسلان فیصل کی شادی اس طرح نہیں کریں گی جس طرح انہوں نے بڑے بیٹے سلمان فیصل کی کی تھی، اس بار تمام ملبوسات کے آرڈرز پہلے ہی ڈیزائنرز کو دے دیئے ہیں، ولیمہ کے دولہا اور دلہن دونوں کے کپڑے ایچ ایس وائی تیار کر رہے ہیں جبکہ شادی کے جوڑے لڑکی والے تیار کروا رہے ہیں۔

انہوں نے یہ بھی بتایا کہ سلمان کی شادی میں گیارہ فنکشنز ہوگئے تھے، اس بار پچھلی بار کی طرح زیادہ فنکشنز نہیں کریں گی کیونکہ لاہور سے بارات لے کر کراچی جانا اس لئے بارات کے بعد ایک دن ملاد اور پھر ولیمے کی تقریب ہوگی۔

صبا فیصل کا نے بتایا کہ ان کے بیٹے ارسلان نے انہیں فضول خرچی کرنے سے سختی سے منع کیا ہے۔


اپنا تبصرہ لکھیں