بھارتی ٹینس اسٹار ثانیہ مرزا اور پاکستان کے اسٹار کرکٹر شعیب ملک کی جوڑی دنیائے کھیل میں کافی مشہور ہے ، یہ دونوں اسٹار کھلاڑی سال 2010 میں شادی کے بندھن میں منسلک ہو ئے۔
پاکستان کرکٹ ٹیم کے آل راؤنڈر شعیب ملک اور بھارتی ٹینس اسٹار ثانیہ مرزا کے بیٹے اذہان ملک کی نئی ویڈیو سوشل میڈیا پر کافی وائرل ہوگئی ہے۔
تفصیلات کے مطابق ثانیہ مرزا نے سماجی را بطے کی ویب سائٹ انسٹاگرام پر اپنے بیٹے اذہان ملک کی ایک ویڈیو پوسٹ کی ، جس میں وہ اسٹول پر کھڑے ہوکر بورڈ پر رنگین چاک کی مدد سے مصوری کرنے کی کوشش کرتے نظر آرہے ہیں۔
سوشل میڈیا پراذہان کی یہ ویڈیو پوسٹ کرتے ہوئے ثانیہ مرزا نے اپنے بیٹے کو آرٹسٹ قرار دیتے ہوئے لکھا کہ یہ واقعی حیرت انگیز ہے کہ اس چھوٹے سے بچے کا دماغ کتنا ذہین ہے۔
