انقرہ : ترکیہ کی آٹو موٹیو انڈسٹری نے گزشتہ ماہ 3 بلین ڈالر کی غیرملکی برآمدات سے ماہ مئی میں اب تک کی سب سے زیادہ برآمدات کی ہیں۔
اولو داع آٹو موٹیو انڈسٹری ایکسپورٹرز ایسوسی ایشن کے جاری کردہ بیان کے مطابق ترکیہ کی آٹو موٹیو انڈسٹری کی مئی2023 میں برآمدات گزشتہ سال کی اسی مدت کے مقابلے میں 32 فیصد اضافے کے ساتھ 3 ارب 29 کروڑ 593 ہزار ڈالر تک پہنچ گئی ہیں۔
یہ شعبہ ترکیہ کی برآمدات میں 14 فیصد حصص کے ساتھ پھر سے پہلے نمبر پر ہے اور اس طرح ماہ مئی میں اب تک کی سب سے زیادہ برآمدات کی گئی ہیں۔
آٹو موٹیو انڈسٹری کے سب سے بڑے ذیلی پروڈکٹ گروپ سپلائر انڈسٹری کی ماہ مئی کی برآمدات گزشتہ سال کے اسی مہینے کے مقابلے میں 40 فیصد بڑھ کر 1 ارب 288 ملین ڈالر تک پہنچ گئی ہیں۔
رپورٹ کے مطابق اس شعبے میں36 فیصد اضافے کے ساتھ جرمنی کو 426 ملین ڈالر، فرانس کو 411 ملین ڈالر35 فیصد اضافے کے ساتھ اور برطانیہ کو 273 ملین ڈالر، 24 فیصد اضافے کے ساتھ، اٹلی 44.5 فیصد، اسپین کو 57 فیصد، پولینڈ کو 32 فیصد، بیلجیم کو 31 فیصد اور روس کو 172فیصد اضافے کے ساتھ برآمدات کی گئی ہیں۔
واضح رہے کہ ترکیہ کی جرمنی کے لئے گذشتہ سال کی برآمدات 18 بلین 910 ملین ڈالر مالیت کے ساتھ تاریخ کی بلند ترین سطح پر پہنچ گئی تھیں۔ گزشتہ سال جرمنی کو سب سے زیادہ برآمدات 4بلین 390 ملین ڈالر کے ساتھ ترکیہ آٹو موبیل انڈسٹری نے کیں۔
