معروف بھارتی اداکارہ دلجیت کور 69 برس کی عمر میں انتقال کرگئیں۔
بھارتی میڈیا کے مطابق پنجابی اداکار نیرو باجوہ نے ایک پوسٹ کے ذریعے اداکارہ کے انتقال کی تصدیق کرتے ہوئے گہرے دکھ کا اظہار کیا ہے۔
انہوں نے دلجیت کور کو انسپائریشن قرار دیتے ہوئے کہا کہ مجھے فخر ہے میں نے آپ کے ساتھ کام کیا اور بہت کچھ سیکھا۔
نامور بھارتی گلوکار میکا سنگھ نے دلجیت کور کے انتقال پر گہرے دکھ کا اظہار کرتے ہوئے کہا کہ بہت ہی خوبصورت اداکارہ اور لیجنڈ آف پنجاب ہمیں اداس چھوڑ گئیں، دعا ہے کہ ان کی آخرت اچھی ہو۔
یاد رہے کہ دلجیت کور کو بھارتی پنجاب فلم انڈسٹری میں ہیما مالنی کے نام سے جانا جاتا تھا۔
انہوں نے داغ، پت جٹاں دے، روپ شکیناں دا، لاجو، ویری جٹ اور جگا ڈاکو سمیت متعدد فلموں میں کام کیا۔
