بالی ووڈ فلم انڈسٹری کے مشہور و معروف اداکار سیف علی خان نے بالی ووڈ فلموں کی مسلسل ناکامی کی وجہ بتادی ہے۔
سیف علی خان نے اپنی حالیہ ریلیز ہونے والی فلم وکرم ویدھا کی باکس آفس پر اچھی کارکردگی کا مظاہرہ نہ کرنے اور ناکام ہونے پر سخت مایوسی کا اظہار کیا ہے۔
اپنے دیے گئے ایک انٹرویو میں سیف علی خان کا کہنا تھا کہ وہ فلم کی تھیٹر میں اچھی کارکردگی نہ دکھانے کے حوالے سے کوئی آئیڈیا تو نہیں رکھتے، تاہم یہ ضرور کہوں گا کہ فلم میں کام کرنے والے اسٹارز کو کافی بھاری ادائیگیاں کی گئیں۔
انہوں نے باکس آفس پر فلم کے اچھا پرفارم نہ کرنے اور بالی ووڈ کی کئی فلموں کی ناکامی پر گفتگو کرتے ہوئے اہم اداکاروں کی بہت زیادہ فیس کو بھی ایک قابلِ تشویش معاملہ قرار دیا۔
ان کا کہنا تھا کہ ہم تو بہت زیادہ معاوضہ دیتے ہیں لیکن اس کے بدلے میں کچھ نہیں ملتا۔
واضح رہے کہ رواں سال بالی ووڈ کی متعدد فلمیں ناکام ہوئی ہیں۔
