واشنگٹن:
سینیٹر فیصل جاوید نے کہا ہے کہ ایمازون، فیس بک، گوگل، ویزا و دیگر پاکستان میں سرمایہ کاری کرناچاہتے ہیں۔سینیٹر فیصل جاوید نے واشنگٹن میں نجی ٹی وی سے خصوصی گفتگو کرتے ہوئے کہا ایمازون، فیس بک، گوگل، ویزا، دیگر نمائندوں سے ملاقاتیں ہوئیں، امریکی سرمایہ کار آئی ٹی کے شعبے میں سرمایہ کاری کرناچاہتے ہیں۔
فیصل جاوید کا کہنا تھا کہ امریکیوں کو پاکستان کے اسپیشل ٹیکنالوجی زونز کے حوالے سے آگاہ کیا، امریکی سرمایہ کاروں کے خدشات دور کرنے کیلیے قانون سازی کر رہے ہیں، انھوں نے مزید کہا کہ امریکی ارکان کانگریس اور سینیٹرز پاکستان کا دورہ کرنے کے خواہشمند ہیں۔
سینیٹر فیصل جاوید خان کی سربراہی میں پاکستانی وفد واشنگٹن پہنچا، وفد میں رکن قومی اسمبلی ناز بلوچ،سینیٹر ذیشان خانزادہ، سینیٹر افنان اللہ و دیگر شامل ہیں،دورے کے دوران سینیٹر فیصل جاوید خان کی سربراہی میں پاکستانی وفد اہم ملاقاتیں کرے گا۔
