ایشیا کا سب سے طاقتور سمندری طوفان ’یاگی‘ چین کے بعد ویتنام سے ٹکرا گیا جس کے نتیجے مین 4 افراد ہلاک ہوگئے۔
ایشیا میں رواں سال کا سب سے طاقتور طوفان ’یاگی‘ چین کے بعد ویت نام سے ٹکرا گیا، مختلف حادثات میں چار افراد ہلاک ہوئے، دارالحکومت ہنوئی میں موسلادھار بارش سے مختلف علاقے زیر آب آگئے، تیز ہواوں کے باعث درخت گرگئے۔
محکمہ موسمیات کا کہنا ہے اب طوفان کی شدت میں کمی آگئی ہے۔
اس سے قبل چین میں طوفان نے تباہی مچائی تھی جس کے نیتجے میں لاکھوں افراد متاثر ہوئے تھے اور 8 لاکھ افراد کو بجلی کی فراہمی منقطع ہوگئی۔
طوفان یاگی دو روز پہلے چین کے صوبے ہینان سے ٹکرایا تھا، جس کے بعد چینی صدر نے مختلف علاقوں میں امدادی کارروائیاں تیز کرنے کا حکم دیا۔
چین سے قبل سمندری طوفان یاگی نے فلپائن میں تباہی مچائی تھی جہاں 16 اموات ہوئی تھیں، فلپائن سے ٹکرانے کے بعد طوفان یاگی کی شدت دوگنا بڑھ گئی تھی۔
