اگر بیٹی کیلئے کیریئر چھوڑنا پڑا تو چھوڑ دوں گی، پریانکا چوپڑا

ہالی ووڈ اداکارہ پریانکا چوپڑا کا کہنا ہے کہ مستقبل میں اگر بیٹی کے لیے کیریئر چھوڑ کر کسی اور ملک منتقل ہونا پڑا تو بغیر کسی سوال کے سب کچھ چھوڑ دیں گی۔

ہندوستان ٹائمز کی رپورٹ کے مطابق پریانکا چوپڑا نے بتایا کہ جب وہ 17 سال کی عمر میں میں مس ورلڈ 2000 بنیں تو ان کے والدین نے اداکارہ کے کیریئر کی خاطر اپنی نوکری چھوڑ دی تھی۔

اداکارہ نے کہا کہ ان کے والدین انڈین آرمی فزیشن تھے اور بھارتی ریاست اتر پردیش میں ایک اسپتال قائم کیا تھا ’تاہم والدین نے صرف میرے کیریئر کی خاطر اپنا سب کچھ چھوڑ دیا اور ممبئی شفٹ ہوگئے ’۔

اداکارہ نے کہا کہ ’میرے والدین نے میری زندگی اور کیریئر کے لیے بہت بڑا فیصلہ کیا تھا‘۔ . پریانکا چوپڑا نے انٹرویو میں کہا کہ وہ اپنی بیٹی مالتی میری کے لیے بھی ایسا ہی کریں گی۔

وہ کہتی ہیں کہ اگر زندگی میں ایسا موقع آیا کہ مجھے اپنی بیٹی کے لیے اپنا کیریئر چھوڑ کر کسی اور ملک رہائش اختیار کرنا پڑی تو میں بغیر کسی سوال کے سب کچھ چھوڑ دوں گی۔

اداکارہ نے خود کے والدین کے فیصلے کے حوالے سے مزید کہا کہ جب میرے والدین میرے کیریئر کی وجہ سے دوسرے شہر منتقل ہوئے تب میں اس فیصلے کو بہت معمولی سمجھ رہی تھی، کیونکہ اس وقت میں صرف اپنے کیریئر کو اہم سمجھ رہی تھی۔

لیکن آج میں 40 برس کی ہوگئی ہوں تو اگر مستقبل میں کبھی مجھے خود کی بیٹی کے لیے کسی دوسرے ملک منتقل ہونا پڑا تو میں بغیر کسی سوال کے اپنا کیریئر چھوڑنے کے لیے تیار ہوں۔

پرینکا نے کہا کہ یہ ایک ’بڑی قربانی‘ تھی جو ان کے والدین نے ان کے لیے دی تھی۔ اداکار نے مزید کہا کہ بیٹوں کی پرورش اس طریقے سے ہے جس میں خواتین کا احترام ہو اور ان کے لیے مواقع اہم ہوں۔

اداکارہ نے کہا کہ والدین نے میرے لیے ’بہت بڑی قربانی‘ دی ہے، اور میں خود کو خوش قسمت سمجھتی ہوں، لیکن آج بھی ایسے خاندان موجود ہیں سماجی دباؤ کا شکار ہیں اور اپنے بچوں کی خواہشات کو نظرانداز کردیتے ہیں۔ ’

یاد رہے کہ 41 سالہ پریانکا چوپڑا اور 30 سالہ امریکی گلوکار نک جونس کی شادی دسمبر 2018 میں ہوئی تھی۔

جبکہ جوڑے کے ہاں بیٹی کی پیدائش 15 جنوری 2022 کو سروگیسی کے ذریعے ہوئی تھی۔

تقریب میں گرنے کے بعد ہالی وڈ میڈیا کا ردعمل

پریانکا چوپڑا کا کہنا ہے کہ اپنے 23 سالہ کیریئر کے دوران وہ پہلی بار ایک تقریب میں کمر کے بَل گر گئی تھیں جس کے بعد وہ ہالی ووڈ میڈیا کا ردعمل دیکھ کر حیران رہ گئیں،

اداکارہ نے ’دی ویو‘ پروگرام میں بات کرتے ہوئے انکشاف کیا کہ انہوں نے جب فلم لو اگین کے پریمیئر کے ریڈ کارپٹ میں شرکت کی تو لمبا نظر آنے کےلیے میں نے ہائی ہیلز پہنی ہوئی تھی، ریڈ کارپٹ میڈیا اور فینز سے بھرا ہوا تھا، ہر کوئی تصاویر بنا رہا تھا عین اسی وقت میں کمر کے بل گر پڑی۔

اداکارہ نے کہا کہ میرے گرنے پر وہاں موجود ہالی وڈ میڈیا کے نمائندگان نے اپنے کیمرے نیچے کردیے اور مجھے کہا کہ ’ آپ پریشان نہ ہوں اور آرام سے کھڑی ہوجائیں، ’ اس وقت سے لے کر آج تک مجھے اپنے گرنے کی کوئی بھی فوٹیج نہیں ملی۔