لاہور: آسٹریلوی براڈ کاسٹرز نے پنڈی ٹیسٹ کی پچ پر طنز کیلیے روڈ سائنز اور فٹ پاتھ بنادیے۔
براڈ کاسٹر نے پچ کو ایک سیدھی سڑک سے تشبیہہ دیتے ہوئے گرافکس کی مدد سے 2 سائن بورڈز لگائے جن میں سے ایک پر جیوانی 32کلومیٹر، دوسرے پر پاک افغان بارڈر 31کلومیٹر لکھا گیا تھا، پچ کو سڑک ظاہر کرتے ہوئے فٹ پاتھ بھی بنایا گیا۔سوشل میڈیا پر یہ تصویر شیئر کیے جانے پر دلچسپ تبصرے ہوتے رہے۔
واضح رہے کہ گزشتہ روز مہمان اسپنر ناتھن لائن نے بھی پریس کانفرنس میں کہا تھا کہ پچ بغیر کسی گھاس کے فلیٹ لگ رہی ہے۔
