سڈنی میں جیت سے اپنے ٹیسٹ کیریئر کا اختتام کرنے والے آسٹریلوی اوپنر ڈیوڈ وارنر کو خاتون نے گلے لگا کر دعائیں دیں جو سب کی توجہ کا مرکز بن گیا۔
سڈنی میں اپنے کیریئر کا آخری ٹیسٹ میچ کھیلنے والے آسٹریلوی اوپنر ڈیوڈ وارنر کو میچ میں فتح کے بعد گراؤنڈ کے باہر ایک خاتون نے گلے لگایا اور ان کے بہتر مستقبل کے لیے دعا کی جس پر سب کی توجہ مرکوز ہو گئی اور لوگ متجسس ہو گئے کہ یہ خاتون کون ہیں۔
وارنر کو گلے لگا کر دعائیں دینے والی خاتون کوئی اور نہیں ان کے ٹیم کے ساتھی اور بچپن کے دوست عثمان خواجہ کی والدہ ہیں۔
جارح مزاج اوپنر نے فتح کے بعد اپنے کیریئر کے شاندار اختتام کا جشن آسٹریلوی کھلاڑیوں کے ساتھ منایا اس موقع پر ان کی نظر اپنے دوست عثمان خواجہ کی والدہ پر پڑی جو ان کا آخری میچ دیکھنے کے لیے خصوصی طور پر اسٹیڈیم آئی تھیں اور گراؤنڈ میں بیٹھی میچ سے لطف اندوز ہوئیں۔
وارنر سعات مندی کے ساتھ ان کے پاس گئے تو انہوں نے بالکل سگی ماں کی طرح وارنر کو گلے لگایا اور انہیں مستقبل میں مزید کامیابیاں اور ترقیاں حاصل کرنے کی دعائیں دیں۔
‘My mum loves him. She calls him Shaytan. Devil. Satan. My mum loved the fact that he was the devil. And it wasn’t her son that she could just push it back to Lorraine and Howard [Warner’s parents]’
David Warner and Fozia Tariq, the mother of Usman Khawaja ❤️ pic.twitter.com/jGS7Na5OIe
— ESPNcricinfo (@ESPNcricinfo) January 6, 2024
واضح رہے کہ عثمان خواجہ اور وارنر ٹیم کے ساتھی ہونے کے ساتھ بچین کے دوست بھی ہیں اور ان کی یہ دوستی 31 سال سے قائم ہے۔
عثمان اپنے دوست کے آخری ٹیسٹ میچ کے موقع پر وارنر کا حوصلہ بڑھانے کے لیے صرف اپنی والدہ کو ہی گراؤنڈ میں لے کر نہیں آئے بلکہ ان کی بیوی اور بچے بھی اس وقت وہاں موجود تھے اور میچ کے بعد وارنر اور عثمان کی فیملیز نے مشترکہ تصاویر بنوا کر جشن کو دوبالا کیا۔
آسٹریلیا نے سڈنی ٹیسٹ میں پاکستان کو 8 وکٹوں سے شکست دے کر تین ٹیسٹ میچوں کی سیریز میں کلین سوئپ کیا۔ شاہینوں کو کینگروز کی سر زمین پر مسلسل چھٹی بار وائٹ واش کی ہزیمت اٹھانا پڑی ہے۔
