امریکی نژاد سوئس گلوکارہ، اداکارہ، ڈانسر اور راک اینڈ رول کی ملکہ ٹینا ٹرنر 83 برس کی عمر میں انتقال کر گئیں۔
ٹینا ٹرنر کا انتقال سوئٹزرلینڈ میں ہوا، وہ طویل عرصے سے بیماری میں مبتلا تھیں۔
وہ امریکا میں پیدا ہونے والی سب سے پسندیدہ خواتین راک گلوکاروں میں سے ایک تھیں۔
گلوکارہ گریمی ایوارڈ کیلئے 25 بار نامزدگی کی گئیں، جبکہ 8 بار وہ یہ ایوارڈ حاصل کرنے میں کامیاب ہوئیں، انہیں 3 بار لائف ٹائم گریمی ایوارڈ سے بھی نوازا گیا۔
ٹینا ٹرنر نے 2009 کے بعد سے میوزک کی دنیا کو خیر باد کہہ دیا تھا۔
مک جیگر نے بتایا کہ جب وہ کمسن تھے تو ٹینا ٹرنر نے ان کی بے حد مدد کی تھی جو وہ کبھی فراموش نہیں کرسکیں گے۔
دنیا کے معروف فیشن ڈیزائنر جو جیو آمانی نے کہا کہ توانائی سے بھرپور ٹینا ٹرنر کا میوزک سدا باقی رہے گا، انہیں فخر ہے کہ انہیں کئی بار ٹینا ٹرنر کا لباس تیار کرنے کا موقع ملا۔
