امریکی سپریم کورٹ نے بغیر دستاویزات امریکا میں رہنے والے تارکین وطن کو قانونی تحفظ فراہم کرنے کے پروگرام کومنسوخ کرنے کا ٹرمپ انتظامیہ کا فیصلہ مسترد کردیا۔
ٹرمپ انتظامیہ نے اوباما دور کے قانون کو منسوخ کرنے کا فیصلہ کیا تھا۔ سپریم کورٹ کے فیصلے پر ردعمل دیتے ہوئے امریکی صدر ٹرمپ نے سوشل میڈیا پر سوال کردیا کہ ‘کیا آپ کو لگتا ہے سپریم کورٹ مجھے پسند نہیں کرتی؟’
امریکی سپریم کورٹ کے 9 میں سے 5 ججز نے ٹرمپ انتظامیہ کے قانون کو منسوخ کرنے کے خلاف فیصلہ دیا جبکہ 4 ججز اس کے قانون کو ختم کرنے کے حق میں تھے۔
ٹرمپ انتظامیہ کے خلاف یہ فیصلہ امریکی سپریم کورٹ کے چیف جسٹس جان جی رابرٹس جونیئر نے لکھا ہے جس پر امریکی صدر ڈونلڈ ٹرمپ نے حیرانی کا اظہار کیا ہے۔
Donald J. Trump✔@realDonaldTrump
The Supreme Court asked us to resubmit on DACA, nothing was lost or won. They “punted”, much like in a football game (where hopefully they would stand for our great American Flag). We will be submitting enhanced papers shortly in order to properly fulfil the Supreme Court’s…..
Donald J. Trump✔@realDonaldTrump
…ruling & request of yesterday. I have wanted to take care of DACA recipients better than the Do Nothing Democrats, but for two years they refused to negotiate – They have abandoned DACA. Based on the decision the Dems can’t make DACA citizens. They gained nothing! @DHSgov
اپنے بیان میں ڈونلڈ ٹرمپ کا کہنا تھا کہ تارکین وطن سے متعلق یہ فیصلہ اور گزشتہ ہفتے ہم جنس پرستوں سے متلعق دیا جانے والا سپریم کورٹ کا فیصلہ ان لوگوں کے منہ پر طمانچے کے مترادف ہے جو خود کے ری پبلکن اور قدامت پسند ہونے پر فخر کرتے ہیں۔
خیال رہے کہ اوباما انتظامیہ کی جانب سے یہ قانون پاس کیا گیا تھا جس میں ان تمام تارکین وطن کو قانونی تحفظ فراہم کیا گیا تھا جو کم عمری میں امریکا لائے گئے۔ سپریم کورٹ کے اس فیصلے سے تقریباً 6 لاکھ 50 ہزار افراد کو ریلیف ملے گا۔
