پاکستان کی معروف اداکارہیشمیٰ گل کی ورک آؤٹ کرتے ویڈیو سوشل میڈیا پر وائرل ہو گئی ہے۔
اداکارہ نے اپنے آفیشل اکاؤنٹ انسٹاگرام پر ایک ویڈیو پوسٹ کی ہے جس میں انہیں پُش اپس لگاتے ہوئے دیکھا جاسکتا ہے۔
اس ویڈیو کو مداحوں کی جانب سے بہت پسند کیا جارہا ہے اور مختلف تبصروں کا سلسلہ بھی جاری ہے۔
اس سے قبل اداکارہ نے اپنی سالگرہ قریبی دوستوں کے ساتھ منائی تھی، جس کی تصاویر سوشل میڈیا پر وائرل ہوگئی تھیں۔
سوشل میڈیا پر وائرل تصاویر میں اداکارہ اپنے قریبی دوستوں کے ہمراہ موجود تھیں جن میں اداکارہ ہانیہ عامر بھی شامل تھیں جو انکے لیے مختلف قسم کے غبارے لائی تھیں۔
یشمیٰ گل نے اپنی سالگرہ کے موقع پر بلیک اینڈ وائٹ مغربی طرز کے لباس کا انتخاب کیا جس میں وہ بے حد حسین لگ رہی تھیں۔
اس سالگرہ کی خوص بات یہ تھی کہ انہوں نے اپنی بلی کو بھی پارٹی میں مدعو کیا تھا۔
یاد رہے کہ اداکارہ سوشل میڈیا پر کافی متحرک نظر آتی ہیں اور اکثر اپنی ویڈیوز اور تصاویر شیئر کرتی رہتی ہیں جنہیں مداحوں کی جانب سے خوب پسند کیا جاتا ہے۔
