پاکستانی اداکارہکومل عزیز خان نے فیروز خان اور علیزے کے حالیہ تنازع پر نوجوان لڑکیوں کے نام اہم پیغام جاری کردیا۔
کومل عزیز نے اپنے آفیشل انسٹاگرام اکاؤنٹ پر پوسٹ کے ذریعے پیغام شئیر کرتے ہوئے لکھا کہ میری دعا ہے، ہم سب کو بہترین ہمسفر ملے، مگر براہ کرم پہلے اپنی تعلیم مکمل کرکے ڈگری حاصل کریں، اپنا مستحکم کیرئیر بنائیں اور کچھ جمع پونجی جوڑیں۔
اداکارہ کے اس پیغام کو سوشل میڈیا صارفین کی جانب سے سراہا جارہا ہے اور مختلف تبصروں کا سلسلہ بھی جاری ہے۔
کچھ صارفین کا کہنا ہے کہ بعض اوقات ان سب چیزوں کے باجود بھی خواتین کے ساتھ بدسلوکی کی جاتی ہے، جس کی اصل ذمہ دار عورت نہیں بلکہ مرد ہے۔
ایک اور صارف نے لکھا کہ سارہ انعام بااختیار تھیں لیکن ان کے ساتھ پھر بھی بُرا ہوا، اب بچوں کی پرورش میں یہ باتیں شامل کی جانی چاہئیں کہ وہ جس کسی سے بھی شادی کریں سو بار سوچ سمجھ کر کریں۔
انہیں شادی سے پہلے ایک دوسرے کو جاننے اور سوال پوچھنے کی اجازت ملنی چاہئیے تاکہ سامنے والے کی ذہنی سطح کا اندازہ لگایا جاسکے۔
