پاکستانی اداکارہ مہربانو اور پروڈیوسر شاہ رخ کاظم علی رشتہ ازدواج میں منسلک ہوگئے۔
مہربانو کی جانب سے شادی کی کوئی ویڈیو یا تصاویر شیئر نہیں کیں تاہم میک اپ آرٹسٹ نے ان کی بارات اور مہندی کی ویڈیو سوشل میڈیا پر شیئر کی ہے۔
وائرل ویڈیوز میں دیکھا جاسکتا ہے کہ انہوں نے مہندی کے دن فیروزی رنگ کا خوبصورت جوڑا زیب تن کیا جبکہ بارات میں وہ مہرون رنگ کے جوڑے میں نظر آئیں۔
واضح رہے کہ اداکارہ مہر بانو نے رواں سال فروری میں منگنی کی تھی، جس میں اداکار احمد علی اکبر، عثمان خالد بٹ، گلوکار حسن رحیم و دیگر نے شرکت کی تھی۔
شوہر شاہ رخ کاظم کے سوشل میڈیا سے معلوم ہوا ہے کہ وہ احمد علی اکبر اور عثمان خالد بٹ کے گزشتہ 6 سالوں سے دوست ہیں۔
