اسلام آباد ہائی کورٹ میں وزارت دفاع سے آئے نیب افسر کی پروموشن میں امتیازی سلوک کیخلاف درخواست پر سماعت ہوئی۔
چیف جسٹس اسلام آباد ہائیکورٹ جسٹس اطہر من اللہ نے نیب پراسیکیوٹر سے کہا کہ ہم دیکھ رہے ہیں کہ آپ تقرری کرتے ہوئے بین الاقوامی پریکٹس فالو نہیں کررہے۔
انہوں نے کہا کہ آپ نے ایک اسٹور کیپر کو تفتیشی افسر بنا دیا،آپ کے عمل کے ساتھ تولوگوں کی زندگیاں جڑی ہوئیں ہیٕں۔
اس پر نیب پراسیکیوٹر نے کہا کہ رولز بنائے ہیں ابھی وہ وزارت قانون کے پاس پڑے ہوئے ہیں۔
