پاکستانی خوبرو اداکارہ کومل عزیز خان نے شمالی علاقہ جات سے حیرت انگیز تصاویر سوشل میڈیا پر شیئر کی ہیں۔
کومل عزیز پاکستانی خوبصورت اور باصلاحیت اداکارہ اور فیشن ماڈل ہیں، ڈرامہ سیریل ’عشق بے نام‘ سے شہرت حاصل کرنے والی اداکارہ نے کئی ڈراموں میں اداکاری کے جوہر دکھا کر مداحوں کے دلوں میں گھر کیا ہوا ہے۔
کومل عزیز نے کچھ اچھا وقت گزارنے کے لیے آج کل پاکستان کے شمالی علاقوں کا رُخ کیا ہوا ہے، گلگت اور اسکردو کے سفر کے دوران انہوں نے اپنے مداحوں کے ساتھ بہت سی تصویریں اور ویڈیوز اپ لوڈ کی ہیں۔
اِن تصویروں اور ویڈیوز میں کومل عزیز کو خوبصورت مقامات پر گھومتے اور مذیدار کھانے کھاتے دیکھا جا سکتا ہے۔
کومل عزیز کی اگر پیشہ ورانہ زندگی پر نظر ڈالی جائے تو وہ متعدد کامیاب پراجیکٹس میں نظر آ چکی ہیں جن میں ’راز الفت،‘ ’زمین کا سویرا،‘ ’عشق بے نام‘ اور ’بھروسہ پیار تیرا‘ شامل ہیں۔
