ابوظہبی:
کوئٹہ گلیڈی ایٹرز نے لاہور قلندرز کو جیت کے لیے 159 رنز کا ہدف دیا ہے۔
ابوظہبی میں جاری پاکستان سپر لیگ کے چھٹے ایڈیشن کے میچ میں لاہور قلندرز کے کپتان سہیل اختر نے ٹاس جیت کر پہلے کوئٹہ گلیڈی ایٹرز کو بیٹنگ کی دعوت دی تو عثمان خان اور جیک ویتھرالڈ نے اننگز کا آغاز کیا، عثمان کھاتہ کھولے بغیر ہی آؤٹ ہوئے اور کیمرون ڈیلپورٹ بھی 10 رنز کے مہمان ثابت ہوئے۔
جیک ویتھرالڈ 8 چوکوں اور ایک چھکے کی مدد سے 48 رنز کی اننگز کھیل کر آؤٹ ہوئے جب کہ اعظم خان نے بھی 33 رنز کی جارحانہ اننگز کھیلی، محمد نواز 6 رنز ہی بناسکے۔ حسان خان 12 اور سرفراز احمد 34 رنز پر ناٹ آؤٹ رہے۔
لاہور قلندرز کی جانب سے جیمز فالکنر نے 3، محمد حفیظ اور راشد خان نے ایک ایک وکٹ حاصل کی۔
واضح رہے لاہور قلندرز کو اپنے پچھلے میچ میں اسلام آباد یونائیٹڈ کے ہاتھوں شکست کا سامنا کرنا پڑا تھا۔
