ورسٹائل ادکار جےدیپ اہلوت کا کہنا ہے کہ اگر آپ فلم کی عکسبندی کے دوران کرینہ کپور کی آنکھوں میں دیکھ لیں تو آپ اپنے ڈائیلاگ بھول جائیں گے۔
فلم ‘جانِ جان’ کے ٹریلر لانچ کی تقریب میں جےدیپ اہلوت نے کہا کہ اگر آپ کرینہ کپور کے سامنے کھڑے ہیں تو بہت اچھے سے یاد کیے ہوئے ڈائیلاگ بھی بھول جائیں گے۔
ان کا کہنا تھا کہ میں نے بہت سے بڑے فنکاروں کو کرینہ کپور کی سیٹ پر آمد کے ساتھ ہی ہونق بنتے دیکھا ہے۔
جےدیپ نے کہا کہ کرینہ کپور کی موجودگی میں تو کیمرا بھی کپکپانا شروع کر دیتا ہے، کرینہ کی اس شعبے میں گہری اور پر وقار شخصیت ہے۔
خیال رہے کہ ‘جانِ جان’ او ٹی ٹی فلم ہے جس میں کرینہ کپور، جےدیپ اہلوت اور وجے ورما نے مرکزی کردار ادا کیے ہیں۔
