پی ایس ایل 5 کا ترانہ 'تیار ہیں' متاثر کرنے میں ناکام

پاکستان سپر لیگ (پی ایس ایل) 2020 کا آفیشل ترانہ ‘تیار ہیں’ گزشتہ روز سامنے آیا جس میں پاکستان کے چار نامور گلوکاروں علی عظمت، عارف لوہار، ہارون راشد اور عاصم اظہر نے آواز کا جادو جگایا۔

‘تیار ہیں’ کی ہدایت کاری معروف موسیقار ذوالفقار جبار خان (زلفی) اور لال کبوتر فلم بنانے والے ہدایت کار کمال خان نے کی۔

آفیشل ترانے کی موسیقی میں تُنبا، چمٹا، رباب اور ہارمونیم سمیت 22 سازوں کا استعمال کیا گیا۔

جہاں گزشتہ روز یہ ترانہ انٹرنیٹ پر جاری کیا گیا وہیں امید ظاہر کی جارہی تھی کہ یہ مداحوں کو محظوظ کرنے میں بھی کامیاب رہے گا۔

تاہم ہوا کچھ یوں کہ انٹرنیٹ پر پی ایس ایل 5 کا ترانہ مداحوں کو متاثر کرنے میں بری طرح ناکام رہا۔

شاید ٹوئٹر پر پی ایس ایل کے ترانے ‘تیار ہیں’ کو سننے کے لیے کرکٹ کے مداح تیار نہیں تھے۔

سماجی رابطے کی ویب سائٹ ٹوئٹر پر اس ترانے کے لیے ‘تیار ہیں’ نام کا ہیش ٹیگ بھی بنادیا گیا جبکہ اس کا استعمال کرتے ہوئے صارفین نے بہت سی مزاحیہ میمز شیئر کی جن میں اس گانے کو شدید تنقید کا نشانہ بھی بتایا گیا۔

انہوں نے علی عظمت، عاصم اظہر اور ہارون راشد کے اس گانے کو پی ایس ایل کا اب تک کا بدترین ترانہ قرار دیا۔

ایک صارف نے اس ترانے کا مذاق اڑاتے ہوئے مزاحیہ میم بھی شیئر کی۔

ان کے مطابق یہ ‘تیار ہیں’ سنتے ہی ہسپتال پہنچ گئے۔

ان کا یہ ترانہ سنتے ہی ‘سارا موڈ خراب ہوگیا’۔

انہوں نے اس موقع پر ہمایوں سعید کے کامیاب کردار ‘دانش’ کا بھی حوالہ دےدیا۔

کسی نے اس ترانے کو وقت کا ضیاع قرار دیا۔

‘تیار ہیں’ سننے کے بعد علی ظفر اور باقی پاکستانیوں کا ایسا حال۔

انہوں نے پی ایس ایل کے سامنے آئے اب تک کے تمام ترانوں کا ایک مزاحیہ تصویر کے ساتھ ریویو کیا۔

ایک صارف نے علی ظفر کی ایک تصویر بھی شیئر کی جنہوں نے پی ایس ایل کے لیے تین گانے گائے، اپنی ٹوئٹ میں صارف نے لکھا کہ ‘علی ظفر نے پی ایس ایل کے ترانوں کا معیار اتنا بڑھا دیا کہ اب کوئی وہاں تک نہیں پہنچ پاتا، اب تک کے بہترین ترانے انہوں نے ہی تیار کیے’۔