ہیوسٹنُ( راجہ زاہد اختر خانزادہ نمائیندہ جنگ)
کانگریشنل پاکستان کاکس کی سربراہ اور
رکن کانگریس شیلا جیکسن نے کہا ہے کہ پاکستان کے سیلاب زدگان کی امداد کیلے ہیوسٹن نے قابل تحسین کردار ادا کیا ہے اور کانگریشنل پاکستان کاکس مزید امریکی امداد کی فراہمی کیلے کوششیں جاری رکھے گا
یہ بات انہوں نے پاکستان میں سیلاب زدگان کئلے الائنس فار ڈز آسٹر ریلف کے تحت ہیوسٹن سے امدادی اشیاء کے کنٹینرز کی پاکستان روانگی کے موقع پر منعقدہ تقریب سے خطاب کرتے ہوے کہی
ڈھائی کڑوڑ روپے کے امدادی
سامان سے بھرے پہلے کنٹینر کی روانگی کے موقع پر ھیلپنگ ھینڈ تنظیم کے دفتر میں منعقدہ پر وقار تقریب میں رکن کانگریس شیلا جیکسن نے سرخُ فیتہ کاٹ کر کنٹینرز کی پاکستان روانگی کے آپریشن کا افتتاح کیا
اس موقع پر شیلا جیکسن نے سیلاب زدگان کیلے الائنس اور ھیلپنگ ھینڈ کی گراں قدر کوششوں پر کانگریس کی توصیفی سند بھی پیش کی جو کے الائنس کے کوآرڈینیٹر سعید شیخ اور ھیلپنگ ھینڈ کے سعد انصاری نے وصول کی
تقریب میں پاکستانی قونصل جنرل ابرار ہاشمی اسٹینٹ پولیس چیف ہیوسٹن یاسر بشیر اور مئیر ہیوسٹن کے نمائندے کرس اولسن سمیت عمائدین کمیونیٹی نے بھی شرکت کی
تقریب سے خطاب کرتے ہوئے الائنس کے کوآرڈینیٹر سعید شیخ نے امدادی سامان کے کنٹینرز پاکستان بھیجنے کے آپریشن اور سیلاب کے متاثرین کیلے ہیوسٹن کالونی کے نام سے گھروں کی تعمیر کی تفصیلات سے شرکاء کو آگاہ کیا
ان کا مزید کہنا تھا کہ آئندہ چند ماہ میں مزید دو کنٹینرز پاکستان روانہ کردئے جائیں گے
تقریب سے قونصل جنرل ھیوسٹن ابرار ہاشمی ،اسٹینٹ پولیس چیف ہیوسٹن یاسر بشیر اور دیگر نے بھی خطاب کیا
