پاکستانی ماہرین کا کہنا ہے کہ پاکستان تیزی سے ڈیجیٹلائزیشن کو اپنا رہا ہے۔
ماہرین نے کہا ہے کہ اگرچہ ملک ہر گزرتے دن کے ساتھ ڈیجیٹلائزیشن کی طرف بڑھ رہا ہے، لیکن اسے مکمل مقصد حاصل کرنے کے لیے ابھی بہت طویل سفر طے کرنا ہے۔
سسٹمز لمیٹڈ کے سی ای او آصف پیر نے اس بات پر زور دیا کہ کووِڈ 19 وبائی امراض کے دوران نقل و حرکت پر پابندیاں اور کمپنیوں کی جانب سے گھر سے کام کرنے کے ماڈل نے پاکستان میں ڈیجیٹلائزیشن کو فروغ دیا۔
انہوں نے کہا کہ پاکستان نے ای کامرس کے ساتھ ساتھ بزنس ٹو بزنس اور بزنس ٹو کسٹم کے شعبوں میں بڑے پیمانے پر بہتری دیکھی ہے۔
اپنے نقطہ نظر کا جواز پیش کرتے ہوئے انہوں نے کہا کہ ہماری زیادہ تر کمپنیاں تبدیلی کے بجائے اصلاح پر غور کر رہی ہیں جس کے طویل مدت میں نتیجہ خیز نتائج برآمد ہوں گے۔
ٹیکنالوجی کی اہمیت کے بارے میں بات کرتے ہوئے، انہوں نے اس بات پر زور دیا کہ کاروبار میں (عالمی سطح پر) تقریباً 49 فیصد فیصلہ سازوں نے یہ سمجھا کہ ٹیکنالوجی بڑی اور چھوٹی تنظیموں کے درمیان فرق کو ختم کر دے گی۔
آصف پیر نے کہا کہ اس سلسلے میں عوامی شعبے کی تنظیموں کو اہم کردار ادا کرنا ہے، انکا کہنا تھا کہ جب پرائیویٹ اور پبلک سیکٹر ایک دوسرے کے ساتھ چلتے ہیں تو ڈیجیٹلئیزیشن ترقی کی طرف جاتی ہے۔
نجی بینک کی ڈائریکٹر ڈاکٹر عائشہ خان نے کہا کہ ہم ڈیجیٹلائزڈ زراعت اور خوراک کے نظام کے بارے میں سوچے بغیر ڈیجیٹل مستقبل کے بارے میں بات نہیں کر سکتے۔
انہوں نے نشاندہی کی کہ زرعی ویلیو چین میں کم سرمایہ کاری کی وجہ سے پاکستان کا زرعی شعبہ اپنی حقیقی صلاحیت سے کم کارکردگی کا مظاہرہ کر رہا ہے۔
