کراچی : پاکستان اسٹاک ایکسچینج میں ایک ہفتے میں 100 انڈیکس میں 2156 پوائنٹس کا اضافہ ہوا ہے۔
پاکستان اسٹاک ایکسچینج کی ہفتہ وار رپورٹ جاری کردی گئی، پاکستان اسٹاک ایکسچینج میں کاروباری ہفتے میں مثبت رجحان رہا جس میں ایک ہفتے کے دوران 100 انڈیکس میں 2156 پوائنٹس کا اضافہ ریکارڈ کیا گیا۔
رپورٹ کے مطابق ایک ہفتے میں انڈیکس 4.9 فیصد اضافے سے 46 ہزار 601 پر بند ہوا، کاروباری ہفتے میں انڈیکس 2340 پوائنٹس کے بینڈ میں رہا۔
اسٹاک ایکسچینج کے رپورٹ کے مطابق 100 انڈیکس کی ہفتہ وار بلند ترین سطح 46 ہزار 785 رہی اور مارکیٹ میں ہفتہ بھر میں 2 ارب 38 کروڑ شیئرز کا کاروبار ہوا۔
ہفتہ وار رپورٹ کے مطابق شیئرز بازار کے کاروبار کی مالیت 60 ارب روپے سے زائد رہی، ایک ہفتے میں مارکیٹ کیپٹلائزیشن 283 ارب روپے بڑھ کر 7 ہزار 757 ارب روپے ہوگئی۔
