امریکی نژاد بالی ووڈ کی سابقہ اداکارہنرگس فخری نے انڈسٹری چھوڑنے کی اصل وجہ بتا دی۔
حالیہ انٹرویو میں اداکارہ نرگس نے انڈسٹری سے متعلق اپنے خیالات کا اظہار کرتے ہوئے بتایا تھا کہ بالی ووڈ میں رہ کر مجھے ڈپریشن ہونے لگا تھا جس کی وجہ سے میں امریکا چلی گئی تھی۔
انہوں نے کہا تھا کہ فلم نگری میں لوگوں کے ایک نہیں بلکہ تین تین چہرے ہیں، شروع شروع میں بالی وڈ کے کلچر کے بارے میں کچھ معلوم نہیں تھا لیکن پھر پتا چلا کہ یہاں ناپسندیدہ لوگوں کو بھی منہ لگانا پڑتا ہے۔
اس سے قبل ایک انٹرویو میں نرگس فخری نے کہا تھا کہ مجھے احساس ہوا میں بہت زیادہ کام کرتی ہوں اور تناؤ کا شکار ہوں، مجھے اپنے خاندان اور دوستوں کی بہت یاد آتی تھی اور مجھے 2016 اور 2017 کے درمیان اس چیز کا احساس ہونے لگا تھا۔
واضح رہے کہ نرگس فخری بڑے عرصے بعد مارچ 2023 میں ریلیز ہونے والی فلم ’ہری ہرا ویرا مالو‘ میں نظر آئیں گی۔
