بالی ووڈ انڈسٹری میں مسٹر پرفیکٹ کے لقب سے پہچانے جانے والے عامر خان کو بھارتی وزیراعظم نریندر مودی کی تعریف کرنا مہنگا پڑ گیا۔
پہلے مودی کی حکومت میں خود کو غیر محفوظ قرار دینا اور اب ان کی تعریف کرنا، عامر خان کے مداحوں کو ایک آنکھ نہ بھایا۔
نیو دہلی میں ایک ریڈیو شو کی افتتاحی تقریب کے موقع پر میڈیا سے گفتگو کرتے ہوئے اداکار نے کہا کہ یہ شو کمیونیکیشن کا بہترین طریقہ ہے کہ جہاں ملک کا سربراہ لوگوں سے اہم معاملات پر بات چیت کرتا ہے، اپنے خیالات دیتا ہے، مشورے دیتا ہے اور ان لوگوں کی رہنمائی کرتا ہے۔
میڈیا کے سوال پر اداکار نے بھارتی وزیر اعظم کا دفاع کرتے ہوئے کہا کہ ان کا بات چیت سننے کا اپنا طریقہ ہے اور وہ پورے ملک سے مربوط ہونا چاہتے ہیں، میرے خیال میں یہ بہترین اقدام ہے۔
سوشل میڈیا صارفین کو عامر خان کا منافقانہ رویہ پسند نہیں آیا اور انہوں نے اسے اداکار کی منافقت قرار دیتے ہوئے کہا کہ انہوں نے تمام عزت کھو دی ہے۔
