بالی ووڈ اداکارہ کرینہ کپور نے معروف جوڑی رنبیر کپور اور عالیہ بھٹ کی بیٹی کے نام پر ردِعمل دیا ہے۔
عالیہ بھٹ کی بیٹی کا نام سامنے آنے پر اداکارہ کرینہ کپور نے اپنے جذبات کا اظہار کرتے ہوئے اس پوسٹ پر کمنٹ میں لکھا کہ راحا کپور کیا میں آپ کو اپنی گود میں اُٹھا سکتی ہوں۔
اداکارہ نے لکھا کہ میں آپ سے ملنے کے لیے اب اور انتظار نہیں کرسکتی۔
عالیہ بھٹ کی اس انسٹا پوسٹ پر کرینہ کپور کے علاوہ ردھیما کپور ساہنی، سونی رازدان، انوشکا شرما، ارجن کپور اور بالی ووڈ کی دیگر مشہور شخصیات نے بھی کمنٹ میں اپنی محبت کا اظہار کیا ہے ۔
واضح رہے کہ معروف جوڑی اداکار رنبیر کپور اور اداکارہ عالیہ بھٹ نے اپنی بیٹی کے نام کا اعلان کردیا۔
اداکارہ نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی ہے۔
انہوں نے رنبیر کپور اور بیٹی کے ہمراہ ایک تصویر شیئر کی ہے، جس میں فٹبال یونیفارم پر ’راحا‘ لکھا ہوا دیکھا جاسکتا ہے۔
عالیہ بھٹ نے اس پوسٹ کے کیپشن میں بتایا کہ انہوں نے اپنی بیٹی کا نام ’راحا‘ رکھا ہے، اور اس نام کا انتخاب راحا کی دادی نے کیا ہے جس کے بہت خوبصورت معنی ہیں۔
اداکارہ نے مختلف زبانوں میں اس نام کے معنی بھی بتائے کہ عربی میں اس نام کا مطلب امن ہے، بنگلہ میں سکون جبکہ سواہلی زبان میں مسرت۔
انہوں نے لکھا کہ شکریہ راحا ہماری فیملی میں زندگی کو لانے کے لیے ، ایسا محسوس ہوتا ہے کہ ہماری زندگی تو اب ہی شروع ہوئی ہے۔
واضح رہے کہ عالیہ بھٹ اور رنبیر کپور کے گھر 6 نومبر کو بیٹی کی پیدائش ہوئی تھی جبکہ ان کی شادی اپریل 2022 میں ہوئی تھی۔
