کراچی: بین الاقوامی بلین مارکیٹ میں فی اونس سونے کی قیمت بغیر کسی تبدیلی کے 1848 ڈالر کی سطح پر مستحکم رہنے کے باوجود مقامی صرافہ مارکیٹوں میں جمعرات کو بھی فی تولہ اور 10 گرام سونے کی قیمتوں میں بالترتیب 1500 روپے اور 1285 روپے کی کمی واقع ہوئی۔
نتیجے میں ملک بھر کے مختلف شہروں میں فی تولہ سونے کی قیمت گھٹ کر ایک لاکھ 40 ہزار 900 روپے ہوگئی اور فی 10 گرام سونے کی قیمت گھٹ کر ایک لاکھ 20 ہزار 800روپے ہوگئی۔
دریں اثنا فی تولہ چاندی کی قیمت بغیر کسی تبدیلی کے 1570 روپے اور دس گرام چاندی کی قیمت بغیر کسی تبدیلی کے 1346.02 روپے کی سطح پر مستحکم رہی۔
\
