کراچی:
عالمی مارکیٹ میں سونے کی فی اونس قیمت میں 9 ڈالر جب کہ فی تولہ قیمت میں 400 روپے کا اضافہ ہوا۔ بین الاقوامی بلین مارکیٹ میں فی اونس سونے کی قیمت میں 9 ڈالر کا اضافہ ہوا اور عالمی مارکیٹ میں سونے کی فی اونس قیمت بڑھ کر1741 ڈالر کی سطح پر پہنچ گئی، جب کہ ملکی صرافہ مارکیٹوں میں بھی بدھ کے روز فی تولہ اور دس گرام سونے کی قیمتوں میں بالترتیب 400 روپے اور 344 روپے کا اضافہ ہوگیا۔
قیمتوں میں اضافے کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 1 لاکھ 13 ہزار 700 روپے ہوگئی، جب کہ دس گرام سونے کی قیمت اضافے کے بعد 97 ہزار 840 روپے کی سطح پر پہنچ گئی۔
