سوشل میڈیا پر روزانہ 14 گھنٹے گزارنے والی ماڈل فینیلا فوکس خطرناک بیماری میں مبتلا ہوگئیں۔
دن میں تقریباً 14 گھنٹے بالغوں کی ویب سائٹ اونلی فینز پر کام کرنے والی فینیلا اتنی زیادہ بیمار ہوگئیں کہ چل بھی نہیں سکتی تھیں۔
وبائی مرض کے آغاز میں ان کے سوشل میڈیا کے بے تحاشہ استعمال نے انہیں بیمار کردیا، دن میں 14 گھنٹے اسکرینوں کو دیکھنے کی وجہ سے انہیں شدید چکر آنے لگے اور وہ مہینوں تک چلنے پھرنے کے قابل نہیں رہیں۔
فنیلا نے بتایا کہ ان کی بیماری اتنی شدید ہوگئی کہ اس سے ان کا دل بھی متاثر ہوا اور انہیں لگنے لگا کہ وہ مرنے والی ہیں۔
فنیلا کا کہنا ہے کہ انہوں نے خود سے ہی یہ محسوس کیا کہ جس دن وہ 10 گھنٹے سے کم سوشل میڈیا چلاتی ہیں اس دن ان کی طبیعت کچھ بہتر رہتی ہے لیکن جیسے ہی یہ دورانیہ 10 گھنٹے سے بڑھتا ہے تو انہیں دوبارہ چکر آنے لگتے ہیں۔
واضح رہے کہ وورکیسٹر سے تعلق رکھنے والی فنیلا ویب سائٹ اونلی فینز پر انتہائی کامیاب ہیں اور جلد ہی اس پلیٹ فارم سے ان کی آمدنی ایک ملین پاؤنڈ تک پہنچنے والی ہے۔
وہ اونلی فینز کے ٹاپ ایک فیصد لوگوں میں شامل ہیں لیکن فنیلا کا کہنا ہے کہ یہ کام ان کی دماغی صحت کیلئے انتہائی نقصان دہ ہے۔
