ڈیلس ( راجہ زاہد اختر خانزادہ)
ڈیلس پاکستانی کمیونٹی کی متحرک شخصیت ساؤتھ ایشیا ڈیموکریسی واچ ، مسلم ڈیموکریٹک کاکس کے بورڈ آف ڈائریکٹرز کے رکن پاکستان سوسائٹی آف نارتھ ٹیکساس کی ایڈوائزری کمیٹی کے ممبر قراقرم تھنکرز فورم کے صدر سراج بٹ آج پاکستان میں انتقال کر گئے وہ اپنی فیملی کے ہمراہ پاکستان میں اپنے علاقے گلگت گئے ہوئے تھے مرحوم ایک سال سے کینسر کے عارضے میں مبتلا تھے اور گزشتہ ایک سال سے وہ مسلسل کینسر سے جنگ لڑ رہے تھے انہوں نے یہاں ڈیلس میں اپنے سماجی فلاحی اور سیاسی کاموں اور کمیونٹی میں مثبت سرگرمیوں کے سبب اپنا نام بنایا انسانی حقوق کے لیے کام کرنے والی تنظیموں کے علاوہ وہ سیاسی پلیٹ فارم کے ذریعے بھی کشمیر کاز کیلئے اپنی آواز بلند کرتے رہے گلگت کے لئے وہ خصوصنا آواز بلند کرتے تھے جبکہ ڈیلس میں وہ پاکستان مسلم لیگ ن کے صدر بھی رہے کمیونٹی میں وہ زندہ اور ہر دل عزیز شخصیت کے طور پر پہچانے جاتے تھے امریکہ میں ہمیشہ اپنے علاقے سے آنے والوں کے لیے اپنے گھر کے دروازے کھول دیتے تھے یہاں آنے والے کئی خاندانوں کی انہوں نے بھرپور مدد کی ان کے انتقال کی خبر سے کمیونٹی سوگ کی کیفیت میں مبتلا ہے اور منوائی مرحوم نے لواحقین میں اہلیہ اور تین بیٹے سوگوار چھوڑے ہیں۔
ان کو پاکستان میں گلگت کے علاقے استو میں ان کی والدہ کے پہلو میں سپرد خاک کردیا گیا ہے جبکہ یہاں پر ان کے دوستوں کی جانب سے ان کی روح کے ایصال ثواب کیلئے قرآن خوانی کا اہتمام بھی کیا گیا ہے ان کے انتقال پر مسلم ڈیموکریٹک کاکس کے رہنماؤں سید فیاض حسن، راجہ زاہد اختر خانزادہ، عماد سالم، پاکستان سوسائٹی آف نارتھ ٹیکساس کے صدر عابد ملک ، عابد بیگ ، ڈاکٹر ریاض حیدر ساؤتھ ایشیاء ڈیموکریسی کے صدر امیرمکھانی، ڈاکٹر قیصر عباس، راجہ مظفر کشمیری، ڈیلس پیس اینڈ جٹس سینٹر کے صدر آفتاب صدیقی پاکستان امریکن ایسوسی ایشن کے چیئرمین ڈاکٹر عامر سلیمان ڈاکٹر جاوید اجمل افتخار سعید، انٹرٹینٹمینٹ کے صدر اے زی قاسمی، مودی قاسمی، سمیت متعدد تنظیموں کے رہنماؤں نے تعزیت کا اظہار کیا کرتے ہوئے مرحوم کے ایصال ثواب کے لئے دعا کی ہے کہ اللہ ان کو جنت الفردوس میں اعلیٰ مقام عطا فرمائے اور لواحقین کو صبر جمیل عطا فرمائے
دوسری جانب ساؤتھ ایشیا ڈیموکریسی واچ کی جانب سے مرحوم کے ایصال ثواب کیلئے قران خوانی اور فاتحہ خوانی کا اہتمام مکہ مسجد گارلینڈ میں مورخہ 12 اکتوبر بروز منگل شام سات بجے کیا جارہا ہے۔ اس سلسلہ میں کمیونٹی کے افراد سید فیاض حسن سے فون نمبر 682-429-9954 پر رابطہ کرسکتے ہیں
مسجد کا ایڈریس مندرجہ ذیل ہے
Makkah Masjid
3301 W Buckingham Rd, Garland, TX 75042
