پاکستان ٹی وی ڈراموں کے معروف اداکار زوہاب خان اور فضل حسین نے بھی برائیڈل فیشن شو میں ریمپ پر واک کی۔
لاہور میں جاری 3 روزہ برائیڈل فیشن شو میں ماڈلز نے ملک کے نامور فیشن ڈیزائنرز کے عروسی ملبوسات کی نمائش کی، ماڈلز کے ساتھ ساتھ نامور اداکار اور اداکارائیں بھی ریمپ پر جلوہ گر ہوئیں۔
معروف اداکار زوہاب خان نے بھی فیشن شو میں ریمپ پر واک کی ویڈیو اپنے انسٹاگرام اکاؤنٹ پر شیئر کی، جسے مداحوں کی جانب سے خوب پسند کیا جارہا ہے۔
زوہاب خان کے ساتھ اداکار فضل حسین بھی ریمپ پر جلوہ گر ہوئے اور ساتھی اداکار کے ساتھ ریمپ پر واک کرتے نظر آئے۔
دونوں اداکاروں کے خوب صورت انداز کو نہ صرف مداحوں کی جانب سے پسند کیا جا رہا ہے بلکہ کئی نامور اداکاروں اور اداکاراؤں نے اپنی پسندیدگی کا اظہار کیا ہے۔
اداکارہ جویریہ سعود نے بھی زوہاب خان کی پوسٹ پر تبصرہ کرتے ہوئے ’’ہینڈ سم بوائز لکھا‘‘ اور بھرپور داد بھی دی۔
برائیڈل فیشن شو کے پہلے روز 9 ڈیزائنرز نے اپنی کلیکشن کو نمائش کیلئے پیش کیا۔
فیشن شو کے دوران نامور اداکاروں عمران اشرف، کنزا ہاشمی اور فیروز خان سمیت دیگر نے بطور شو اسٹاپر ریمپ واک کی۔ شو میں جہاں ماڈلز نے جلوے بکھیرے، وہاں گلوکاروں نے بھی اپنی پرفارمنسز سے سماں باندھ دیا۔
فیشن کے دلدادہ افراد کا کہنا تھا کہ اس طرح کے شوز سے انہیں نت نئے ڈیزائن دیکھنے کو ملتے ہیں۔
