پاکستان کی معروف اداکارہ ثناء جاوید کی نئی پوسٹ نے صارفین کو کشمکش میں مبتلا کردیا ہے۔
حال ہی میں پاکستان کی معروف اداکارہ ثناء جاوید نے اپنے انسٹاگرام اکاؤنٹ پر ایک اسٹوری پوسٹ کی ہے جس کے بعد سوشل میڈیا صارفین کشمکش میں مبتلا ہو گئے ہیں۔
اداکارہ نے اسٹوری میں عالمی شہرت یافتہ امریکی پاپ راک بینڈ ’امیجن ڈراگن‘ کا مشہور گانا ’بیلیور‘ شیئر کیا ہے۔
اداکارہ نے اس گانے کا کلپ اپنی انسٹا اسٹوری میں شیئر کیا ہے، جس میں ایک ایسے شخص کی کہانی سنائی گئی ہے جو چھوٹی سی عمر میں زندگی کی تلخیوں کا سامنا کرتے ہوئے بُری طرح ٹوٹ گیا ہے، وہ شدید درد میں نظمیں لکھتا ہے اور بتاتا ہے کہ اُس نے اپنے مشکل وقت سے سیکھا اور وہ اپنے درد کی شدت سے مضبوط بن گیا۔
دوسری جانب سوشل میڈیا صارفین اس کشمکش میں ہیں کہ گویا ثناء جاوید ان اشعار سے واقعی کسی تکلیف کو بیان کرنا چاہتی ہیں یا پھر وہ اس گانے کو انجوائے کر رہی ہیں۔
