ساؤتھ فلم انڈسٹری کے اسٹار اداکار درشن نے وائرل آڈیو کے معاملے پر 2 سال کی پابندی کے بعد میڈیا سے معافی مانگ لی۔
درشن تھوگودیپا نے میڈیا سے جاری جھگڑے کے خاتمے کےلیے معافی نامہ جاری کیا ہے، اس دوران میڈیا سے ماضی کو بھلانے اور معاملے کے خاتمے درخواست جاری کی۔
سماجی رابطے کی ویب سائٹ پر جاری بیان میں درشن تھوگودیپا نے کہا کہ پچھلے 2 برس سے میرے اور کنڑ میڈیا کے دوستوں کے درمیان جھگڑا چل رہا ہے۔
انہوں نے مزید کہا کہ وراما ہلا لکشمی تہوار کے موقع پر میں اپنے میڈیا دوستوں سے کہتا ہوں کہ وہ معاملے کو بخوشی ختم کردیں۔
اداکار درشن نے یہ بھی کہا کہ چند برس پہلے میری ایک غیر ارادی آڈیو وائرل ہوئی تھی، جس نے تنازع کھڑا کردیا۔
انہوں نے وضاحت دیتے ہوئے کہا کہ یہ مشکل گھڑی میں ایک آدمی کے چند الفاظ تھے، اس کا ہر گز مطلب کسی صحافی شخصیت کا مزاق اڑا نہیں تھا۔
اداکار نے کہا کہ میں معافی مانگنے میں شرمندہ نہیں ہوں، اس معاملے میں بددیانتی سے کام لیا گیا، تاہم میں دعا گو ہوں کہ آئندہ کبھی ایسی بدتمیزی نہ دہرائی جائے۔
درشن تھوگودیپا نے مزید کہا کہ اپنے الفاظ سے پہنچنے والی تکلیف پر معذرت خواہ ہوں، پرامید ہوں کہ جمہوریت کے چوتھے ستون کی طرف سے مجھے معاف کردیا جائے۔
